Bakı. Trend:
Bu ilin yanvar-sentyabr aylarında Azərbaycandan 53,8 milyon ABŞ dolları dəyərində elektrik enerjisi ixrac edilib.
Bu barədə Trend İqtisadi İslahatların Təhlili və Kommunikasiya Mərkəzi (İİTKM) “İxrac icmalı”nın oktyabr sayına istinadən xəbər verir.
Məlumata görə, bu göstərici ötən ilin eyni dövrü ilə müqayisədə 20,7 milyon ABŞ dolları və ya 27,8% azdır.
Belə ki, ötən ilin ilk 9 ayında ölkədən 74,5 milyon ABŞ dolları dəyərində elektrik enerjisi ixrac edilmişdi.
Qeyd edək ki, 2025-ci ilin yanvar-sentyabr aylarında Azərbaycanın qeyri-neft sektoru üzrə ixracı 2024-cü ilin müvafiq dövrü ilə müqayisədə 7,7% artaraq 2,6 milyard ABŞ dolları təşkil edib.