Azərbaycan Türkiyə ilə "Şahdəniz" yatağından Gürcüstan və Türkiyə sərhədində ötürüləcək qaz satışı barədə razılaşmaya malikdir. Azərbaycan qazının Yunanıstana və daha sonra isə İtaliyaya qaz nəqli üçün Türkiyənin tranzitlə bağlı şərtlərini təqdim etməsi zəruridir. Trend in məlumatına görə, bu barədə Azərbaycanın sənaye və energetika naziri Natiq Əliyev məlumat verib.
Türkiyə və Gürcüstan sərhədindən Yunansıtana kimi min kilometr məsafə var. "Əgər qazın tranziti üçün qiymətlər yüksək olarsa, onda onun Yunanıstana və İtaliyaya nəqli və saiışı sərfəli olmayacaq", - deyə o bildirib. Azərbaycan Türkiyənin qazın tranziti üçün daha yumşaq şərtlər təqdim edəcəyini gözləyir. "Hazırda müxtəlif variantlar nəzərdən keçirilir", - deyə o bildirib.
Türkiyə öz bazarında qaz satışının liberallaşdırıldığını bəyan edir. Azərbaycan bu bazara çıxa biləcəyi və öz qazını sərbəst sata biləcəyini anlamaq üçün bu bazarda dəyişikliklərin baş verəcəyini gözləyir", -deyə Natiq Əliyev qeyd edib.
Yunanıstan Azərbaycan qazını əldə etməyə və onun sonrakı nəqlinə nail olmağa böyük maraq göstərir. Bu mövzuda Azərbaycan Dövlət Neft Şirkəti ilə Yunansıtanın DEPA milli qaz şirkəti arasında dəfələrlə danışıqlar aparılıb.
