İyulun 14-də ARDNŞ-də Azərbaycan prezidenti İlham Əliyevin bir qrup qabaqcıl neftçiyə ''Əməkdar mühəndis'' fəxri adının verilməsi haqda 19 sentyabr 2005-ci il tarixli sərəncamina uyğun olaraq təqdimetmə mərasimi keçirilib. Bu barədə, Trend agentliyinin məlumatına əsasən, ARDNŞ-dən xəbər veriblər.
ARDNŞ-nin prezidenti Rövnəq Abdullayev son illər şirkətdə qazanılmış uğurların Azərbaycanın neft və qaz sənayesinin inkişafına, Dövlət Neft Şirkətinin beynəlxalq standartlara cavab verən bir quruma çevrilməsinə, bu sahədə dünyanın tanınmış şirkətləri ilə sərbəst rəqabət aparmasına, ölkədə neft və qaz hasilatının artmasına zəmin yaratdığını vurğulayıb. O, bu prosesdə ölkə neftçilərinin müstəsna xidmətlərini xüsusilə qeyd edib.
''Əməkdar mühəndis'' fəxri adına layiq görülənlərə döş nişanları və vəsiqələr təqdim olunub. Təltif olunanlar arasında ARDNŞ-nin birinci vitse-prezidenti Xoşbəxt Yusifzadə, vitse-prezidenti Davud Məmmədov, şirkətin Qazma şöbəsinin rəisi Xaliddin Tatlıyev, Ətraf mühitin qorunması və təhlükəsizlik texnikası şöbəsinin rəisi Ağamahmud Siracov və başqaları var.
