...

"Azərenerji" avqustun sonunadək AYİB-lə kredit sazişi imzalamaq niyyətindədir

Energetika Materials 16 Avqust 2006 16:26 (UTC +04:00)

Trend-i buradan izləyin

"Azərenerji" səhmdar cəmiyyəti bu ilin sonunadək Mingəçevirdəki Azərbaycan İES-in yenidənqurulması üçün Avropa yenidənqurma və inkişaf bankı ilə kredit sazişi imzalamaq niyyətindədir. Bu barədə Trend ə SC-nin baş mühəndisi Saleh Məmmədov xəbər verib. Enerji bloklarının yenidənqurulması üzrə işlərin gələn ilin birinci rübündə başlanması planlaşdırılır. Bunun üçün tender keçirmək və baş podratçı seçmək lazımdır.

Əvvəllər bank bu layihə üzrə məsləhətçi qismində çıxış edəcək şirkəti müəyyən və təsdiq edib. Mingəçevirdəki Azərbaycan İES-in yenidənqurulma layihəsi çərçivəsində məsləhətçi xidmətlərin göstərilməsi üzrə tenderin qalibi Yaponiya -Almaniya TEPSCO və Fichtner şirkətlər alyansı olub.

Məsləhətçi layihə üzrə texniki təsnifat hazırlayacaq, eləcə də baş podratçının müəyyən olunması üçün tenderi təşkil edəcək və ekçirəcək. İES-in yenidənqurulması üzrə podratçıların tender təklifləri həmin təsnifata əsaslanacaq.

Məsləhətçinin seçimi üzrə tenderdə iki şirkətlər alyansı - Almaniyanın DECON və Iattenfall və Yaponiya -Almaniya TEPSCO və Fichtner şirkətlər alyansı iştirak edib.

80-ci illərdə tikilmiş AzİES Azərbaycanda ən böyük elektrik stansiyasıdır. O, hər biri 300 mVT gücə malik 8 enerji blokundan ibarətdir. Lakin avadanlıqlar köhnəldiyindən, stansiyanın istehsalat gücü aşağı düşüb. Bu il "Azərnerji" Rusiyanın "Güc maşınları" şirkəti ilə birlikdə beşinci bloku bərpa edib və bu, onun istehsalat gücünün 330-340 MVt-a çatdırılmasına imkan yaradıb.

Elektrik stansiyasının yenidənqurulma layihəsinə yeddi enerji blokunun, suburaxıcı sistemin və tüstü borusunun müasirləşdirilməsi daxildir. Əvvəl AYİB ilə danışıqlar aparılıb, lakin kreditin verilmə şərtləri Azərbaycanı qane etməyib.

Avrobankın prezidenti Jan Lemyerin Azərbaycana səfərindən sonra bank öz şərtlərini geri götürüb və kredit üzrə danışıqlar davam etdirilib.

Xəbər lenti

Xəbər lenti