Azərbaycan,Bakı/müxbir Trend /Yanvar-apreldə Azərbaycan "Şahdəniz" qaz kondensat yatağından 281,58 mln. kub metr qaz (proqnozdan 25,9 faiz az) əldə edib. Bu barədə bazar ertəsi Azərbaycan Dövlət Neft Şirkətindən (ADNŞ) məlumat verilib. Apreldə yataqdan 109,33 mln. kub metr qaz əldə olunub.
Birinci quyuda qaz hasilatına dekabrın 15-də başlanıb. Hər sutka birinci quyudan 5,6 mln. kub metr qaz və 2,5 min ton qaz kondensatı hasil olunurdu. Lakin sonra quyu qaz sızması ilə əlaqədar olan texniki problemlərə görə dayandırılıb.
Fevralda BP "Şahdəniz" yatağında ikinci quyunu istismara verib. Hazırda yataqdakı quyunun sutkalıq debiti təxminən 5,1 mln. kub metr qaz və 1,5 min ton kondensat təşkil edir.
"Şahdəniz"in işlənməsi üzrə layihənin "Mərhələ-1" çərçivəsində plato mərhələsində ildə 8,6 mlrd. kub metr qaz hasil olunacaq. 2007-ci ildə "Şahdəniz"dən 2,8 mlrd kub metr qaz hasil olunacaq.
