Azərbaycan, Bakı /müx. Trend S.Əliyev/ Bazar ertəsi ARDNŞ-dan verilən məlumata görə, neft şirkəti neft-qaz kondensantı olan "Bahar" dəniz yatağında daha bir quyu qazmaq niyyətindədir. Hazırda "Neftqazlayihə" elmi-layihə institutu quyunun layihəsini hazırlayır və quyunun qazıntısı bu il başlaya bilər. Onun dərinliyi təxminən 5 min metr təşkil edəcək.
Əvvəllər ARDNŞ Bakıdan 30 km aralıda yerləşən bu yataqda yüksək debitli quyu qazıb.
Quyunun layihə dərinliyi təxminən 5 min metr təşkil edib, lakin bu dərinliyə qədər quyunu qazmaq mümkün olmayıb. Quyu 4100 metr dərinliyinə qədər qazılıb. Quyunun sutkalıq debiti 190 min kubmetr qaz və 25 ton kondensanta bərabərdir.
Bu quyunun istismara verilməsi ilə tərkibinə "Bahar" yatağının daxil olduğu "Qum adası" neft-qaz hasil edən idarə mexanizminin sutkalıq qaz hasilatı 800 min kubmetrə çatıb.
İlin əvvəlində bu göstərici 640 min kubmetrə bərabar idi.
ARDNŞ-ın qaz hasilatının artırılması proqramına uyğun olaraq iki il ərzində qaz hasilatı iki dəfə artmalı və 2008-ci ilin sonuna qədər 8 mlrd. kubmetr təşkil etməlidir.
ARDNŞ istisna etmir ki, ikinci quyunun qazılması üçün "Azeri Drilling Company" servis şirkəti cəlb oluna bilər.
Mütəxəssislərin hesablamalarına görə, "Bahar" yatağının ehtiyatları 2 mlrd. 105 mln. kubmetr dəyərində qiymətləndirilir.
Hazırda yataqdan 2 mlrd. 283 mln. kubmetr qaz çıxarılıb.
