Azərbaycan, Bakı /müx. Trend S.Əliyev/ Azərbaycan öz qazının Gürcüstana nəqli həcmlərini artıra və eyni zamanda müvafiq müddəti gələn il də uzada bilər. Bu barədə bazar ertəsi Nazirlər Kabinetindən məlumat veriblər.
Müvafiq həcm payız-qış mövsümündə sutkada 2,5 mln. kubmetrədək artırıla bilər.
Hazırda Azərbaycan Gürcüstana özünün 1,3-1,5 mln. kubmetr qazını ötürür. Ümumiyyətlə isə Gürcüstana sutkada 2,5 mln. kubmetr qaz nəql edilir. Azərbaycan qazının 1,5 mln. kubmetri köhnə kəmərlərlə, 1 mln. kubmetri isə "Şahdəniz" yatağından Cənubi-Qafqaz qaz kəməri ilə ötürülür.
"Şahdəniz" yatağından Gürcüstana 1 min kubmetr qaz 63 dollara satılır. ARDNŞ və Gürcüstan arasında olan sazişə görə, 1 min kubmetrin qiyməti 120 dollardır.
