Azərbaycan, Bakı, 31 iyul / Trend , müxbir S.Babayeva/ Birinci yarımil ərzində Naxçıvan Muxtar Respublikası (NMR) Rabitə və İnformasiya Texnologiyaları Nazirliyinin (RİTN) gəlirləri təxminən 2,7 mln. manat təşkil edib ki, bu da ötən ilin analoji dövr göstəricisindən təqribən 888 min manat çoxdur.
RİTN-dan verilən məlumata görə, əhali üzrə bu rəqəm 1,5 mln. manatdan çox təşkil edib ki, bu da ötən il ilə müqayisədə 428 min manat çoxdur.
İlin əvvəlindən "Naxtel" naqilsiz rabitə də daxil olmaqla, 2196 ədəd yeni telefon nömrəsi istifadəyə verilib.
Muxtar Respublika Azərbaycanın qərb hissəsində yerləşir. O, şimal və şərqdə Ermənistan, qərb və cənubda Türkiyə və İran ilə sərhəddir. NMR-in ümumi sahəsi 5,5 min kv. km, əhalisinin sayı 360 min nəfərdən çoxdur. Paytaxtı Naxçıvan şəhəridir.
