Azərbaycan, Bakı, 12 noyabr/ Trend , müxbir S.Babayeva/ "2009-cu ildə Naxçıvan Muxtar Respublikasının (NMR) bütün ərazisi CDMA şəbəkəsi ilə əhatə olunacaq", - deyə NMR -in rabitə və informasiya texnologiyaları naziri Rövşən Məmmədov bildirib.
"Hazırda şəbəkə NMR ərazisinin 70 faizini əhatə edir", - deyə Məmmədov bildirib.
Onun sözlərinə görə, Muxtar Respublika ərazisində 10 - dan çox baza stansiyası var və yaxın vaxtlarda əlavə dörd stansiya da quraşdırılacaq.
CDMA şəbəkəsi 2006 - cı ilin əvvəlində istismara verilib və bu gün beş min abunəçisi var.
NMR -də CDMA texnologiyası Muxtar Respublikanın Rabitə Nazirliyi ilə Çinin "Huawei" şirkəti arasında imzalanan müqavilə əsasında tətbiq edilib.
NMR - də CDMA ilə yanaşı, "Azercell Telecom", 2006 -cı ilin sonundan "Bakcell" şirkəti və 2007-ci ildən "Azerfon" mobil rabitə xidməti göstərir.
