Azərbaycan, Bakı, 11 noyabr / Trend , müxbir H.Vəliyev/
Azərbaycan Səhiyyə Nazirliyi dərman preparatlarının keyfiyyətinə nəzarət üçün elektron sistemin tətbiqi üzrə işlər aparır. Bu barədə nazirliyin mətbuat xidmətinin rəhbəri Anar Qədirli Trend -a deyib.
Onun sözlərinə görə, işlər, tibb sahəsində proqram təminatı hazırlamaqla məşğul olan Türkiyə şirkəti - Akgün Yazılım ilə birgə aparılır. Nazirliyin planına əsasən, ilin sonunadək dərman preparatlarının keyfiyyətinə nəzarətə imkan verən modulun tətbiqi nəzərdə tutulur.
Bu gün Akgün Yazılım məlumatlar bazasının idarə sistemini (VBİS) Səhiyyə Nazirliyinin Tibbi Kliniki Mərkəzdə tətbiq edib. Səhiyyə sahəsində informasiya texnologiyalarının tətbiqinə dair işlər "Elektron Azərbaycan" proqramının üçüncü bəndi ilə nəzərdə tutulub.
VİBS şirkəti mərkəzin doqquz korpusunu əlaqələndirir. Məlumatların mübadiləsi üçün teloptik rabitə əlaqəsindən istifadə olunur. Genişzolaqlı rabitə xətlərindən istifadə bu gün video kontentlərin ( kompüter temoqrafiyalarının nəticələri) ötürülməsi və qəbul edilməsini real zaman şəraitində həyata keçirmək üçün imkan verir. Mərkəzdə elektron kitabxana faəliyyət göstərir, təxirəsalınmaz təcili tibbi yardım işinə isə global istiqamətləndirmə sistemi (GPS) vasitəsilə nəzarət edilir.
Məqalə müəllifi ilə əlaqə ünvanı: [email protected]
