Azərbaycan, Bakı, 01 mart / Trend , müxbir H.Vəliyev/
Ötən ilin yekunlarına görə, Azərbaycanda R-Style Softlab şirkətinin avtomatlaşdırılmış bank sistemi istifadəçilərinin sayı iki dəfə azalıb. Bu barədə R-Style Softlab Kiev şirkətinin Korporativ satış departamentinin direktor müavini Sergey Kurinnı bildirib.
Onun sözlərinə görə, azalmanın əsas səbəbi biznesin aparılmasının "mentallığı"dır ki, bu da ilk növbədə dəblə əlaqədardır.
"Bu gün bir çox banklar belə düşünürlər ki, qərbyönlü qərarlara malik olmaq nüfuz sayılır, çünki bu, bankın kapitallaşmasını və kütləvi xidmət bazarında rəqabət qabiliyyətini artırır. R-Style Softlab şirkətində qərbyönlü qərarların qəbulu ilə məşğul olan struktur var. Bu strukturun yaradılmasında əsas məqsəd avtomatlaşdırılmış qərb sisteminə yönələn müştərinin saxlanmasıdır", - Kurinnı deyib.
Onun sözlərinə görə, Rusiya sisteminin Qərb sistemindən əsas fərqi ondadır ki, Qərb sistemi bütünlüklə müştərinin biznesinə yönəlib. Halbuki, Rusiya sistemi mühasibatın dəqiq aparılması ilə yanaşı, tənzimləyicinin tələblərinə də cavab verir.
R-Style Softlab Rusiyanın biznes və bank avtomatlaşdırılması üzrə proqram təminatının təchizatçısıdır. Şirkətin əsas fəaliyyət istiqamətləri maliyyə sahəsində tətbiq sisteminin hazırlanması, tətbiqi və ötürülməsi, informasiya texnologiyaları və IT-autsorsinq sahəsində konsaltinq və auditdir. Hazırda şirkətin proqram qərarlarından Monqolustanun və MDB-nin 80-dən çox bankında istifadə olunur.
R-Style Softlab şirkəti R-Style holdinqinə daxildir. Holdinqin nümayəndəliyi Rusiya ərazisində bankların və müəssisələrin kompleks avtomatlaşdırılması üzrə xidmətlər göstərir.
