Azərbaycan, Bakı, 8 fevral/Trend, müxbir H.Vəliyev/
Azərbaycanda arzuedilməz kontentlə mübarizəyə mobil rabitə operatorlarını cəlb etmək lazımdır. Bu barədə "Microsoft Azerbaijan" şirkətinin "Təhsildə tərəfdaşlıq" proqramı üzrə meneceri Emin Axundov deyib.
Axundovun sözlərinə görə, bu gün mobil kontentlə mübarizə aparmaq web-resurslardan asandır.
"Təəssüf ki, bu gün aruzedilməz xarakterli komtentin sayı minlərlədir. Azərbaycan bazarında bu gün İP trafikin qarşısını almaqla bu problemi həll edə biləcək üç mobil rabitə operatoru var", - Axundov bildirib.
Axundovun sözlərinə görə, hazırda arzuedilməz kontentlə mübarizə məsələsi "Xalq kompüteri" layihəsində tətbiqi baxımından müzakirə edilir. Bu, texniki baxımdan mümkündür. Layihəyə
Azercell və Azerfon şirkətləri cəlb edilib. Onlar layihə çərçivəsində arzuedilməz kontenti filtirdən keçirməyə imkan verən simsiz modemlər təqdim ediblər.
