Azərbaycan, Bakı, 26 may /Trend, müxbir H.Vəliyev/
Azərbaycanda "Facebook" sosial şəbəkəsi istifadəçilərinin sayı 401 600 nəfərə çatıb. Trend-in məlumatına görə, bu barədə "Facebakers" araşdırma şirkətinin mayın 26-na olan vəziyyətə dair hesabatında deyilir.
Son iki ay ərzində Azərbaycanda sosial şəbəkə istifadəçilərinin sayı 23,6 faiz (76 720 nəfər) artıb.
"Facebook"-un Azərbaycan seqmenti daxil olanlar reytinqində 95-ci yerdədir ki, bu da aprelin əvvəli ilə müqayisədə bir bənd aşağıdır. "Facebook" şəbəkəsindən Azərbaycan əhalisinin 4,84 faizi istifadə edir. Bu göstərici aprelin əvvəli ilə müqayisədə 0,93 faiz çoxdur.
Azərbaycanın internet istifadəçilərinin ümumi sayı arasında sosial şəbəkə istifadəçilərinin sayı 2,08 faiz artaraq 10,89 faiz təşkil edib.
İstifadəçilərin ümumi sayının 64 faizini kişilər, 36 faizini qadınlar təşkil edir.
Daxil olanların sayı üzrə birinci yer 18 yaşdan 24-dək (51 faiz) olan istifadəçilərə, təxminən yarısı 25-dən 34-dək (27 faiz) yaş kateqoriyasından olanlara, üçüncü yer isə 16-dan 17-dək (11 faiz) yaş kateqoriyasından olan auditoriyaya məxsusdur.
35-44 yaş kateqoriyasının payına altı faiz düşür, iki faiz 45-54 yaş və yalnız bir faiz 55-64, 65 və ondan yuxarı yaş kateqoriyasından olan istifadəçilərin payına düşür.
Azərbaycan "Facebook" sosial şəbəkəsi istifadəçilərinin sayına görə Qazaxıstan (297840), Belarus (284400), Moldova (206 220), Ermənistan (170440), Özbəkistan (73380), Qırğızıstan (51200), Tacikistan (17440) və Türkmənistan (13140) kimi ölkələri qabaqlayır.
"Facebakers"in versiyasına görə, ölkələrin ilk beşliyinə ABŞ, İndoneziya, Böyük Britaniya, Türkiyə və Hindistan daxildir.
"Facebook" istifadəçilərinin ümumi sayı 702 650 880 nəfər təşkil edir.
"Facebook" şəbəkəsi 2004-cü il fevralın 4-dən fəaliyyətə başlayıb. Bu gün servisdən dünyanın 60 dilində, eləcə də Azərbaycan dilində istifadə olunur.