Azərbaycan, Bakı, 28 iyun /Trend, müxbir H.Vəliyev/
Azərbaycanın informasiya təhlükəsizliyi bazarı son yarım ildə təxminən 15 faiz artıb. Bu barədə Trend-ə çərşənbə axşamı AZEL şirkətinin Direktorlar Şurasının sədri Rasim İbrahimov deyib.
İbrahimovun sözlərinə görə, informasiya texnologiyaları bazarının ayrılmaz hissəsi olmaqla bu seqment İT bazarı ilə paralel şəkildə artır. Onun orta artım göstəricisi orta hesabla ildə 30 faizə çatır.
"Güman edirəm ki, informasiya təhlükəsizliyi bazarının və İT bazarınin artımı daha dinamik ola bilər. Bu isə hazırda Azərbaycan üçün xarakterikdir. Bu gün dövlət "elektron hökumət"in hər yerdə tətbiqinə yönələn kurs həyata keçirir. Bu, öz növbəsində risklərin artmasını nəzərdə tutur. Buna müvafiq olaraq İT-nin kütləvi tətbiqi informasiya təhlükəsizliyinin aktuallığının və sistemə olan tələbatın artmasına bilavasitə təsir göstərir", - İbrahimov qeyd edib.
Bu yaxınlarda AZEL "Symantek" təhlükəsizlik sisteminin ARDNŞ-nin korporativ şəbəkəsinə inteqasiyası üzrə işləri başa çatdırıb. Bu layihə Azərbaycanın mobil rabitə operatoru "Azercell Telekom" MMC-də Symantec Security Information Manager (SSIM) həllinin instalyasiyası üzrə işlərin analoqudur.
İbrahimovun sözlərinə görə, AZEL şirkəti bu şirkətlərlə informasiya təhlükəsizliyi sahəsində əməkdaşlığı davam etdirərək onlara bu vendorun digər həllərini də təklif edir. Söhbət informasiya sızmasının qarşısını almaq üçün "Data Loss Prevention" həllindən gedir.
İbrahimov əmindir ki, yaxın vaxtlarda bu həllərin tətbiqində daha çox dövlət müəssisələri və şirkətlər maraqlı olacaqlar.
