Azərbaycan, Bakı, 18 fevral /Trend müxbir H.Vəliyev/
Türkiyənin "Helyum Bilişim Hizmetleri Trend Micro" şirkəti Azərbaycanın kompüter avadanlıqları istehsalçısı KÜR ilə "Trend Micro" məhsullarının istifadəçiləri üçün Azərbaycan üzrə dexniki dəstək xidmətini açıb. Bu barədə şənbə günü Trend-ə KÜR-dən bildiriblər.
Texniki dəstək xidmətinin açılması ilə "Trend Micro" məhsullarının istifadəçiləri texniki dəstək üzrə mütəxəssislərə sual verə və Azərbaycan dilində məsləhət ala bilərlər.
Tam texniki dəstək xidmətini göstərmək üçün "Helyum Bilişim Hizmetleri" Azərbaycana öz texniki mühəndislərini göndərib. Bundan başqa, şirkət Azərbaycanda mütəxəssislərin hazırlanmasında kömək göstərib.
"Trend Micro" şirkəti texniki dəstəyin iki səviyyəsini-Select və Select+ təqdim edir. Həmin səviyyələr birbaşa "Trend Micro" şirkətinin mütəxəssislərinə çıxışı təmin edir.
