Azərbaycan, Bakı, 12 noyabr / Trend, müxbir H.Vəliyev /
Azərbaycan növbəti üç il müddətinə "Trans-Asiya-Avropa" layihəsində sədrlikdə iddialıdır. Bu barədə bazar ertəsi Trend-ə Azərbaycan Rabitə və İnformasiya Texnologiyaları Nazirliyindən məlumat verilib.
Nazirliyin məlumatına görə, məsələyə noyabrın 7-8-də Bakıda keçirilən layihəni idarə edən komissiyanın 21-ci iclası çərçivəsində baxılıb. Onun işində Ukraynanın rabitə operatoru "Ukrtelekom", Almaniyanın T-systems ("Deutsche Telekom"un törəmə müəssisəsi) və Gürcüstanın "FopNet" şirkəti iştirak edib.
Layihənin iştirakçıları layihədə Azərbaycanın sədrliyinə dəstəyi rəsmən ifadə ediblər. Bunu rəsmən təsdiqləyən protokolun ən yaxın həftə ərzində imzalanacağı gözlənilir.
Layihəyə Azərbaycanın sədrliyi 2013-2015-ci illər üçün nəzərdə tutulur. Sədrlik Azərbaycana Ukraynadan keçir.
İclasda layihənin iştirakçıları tərəfindən müzakirə edilmiş əsas məsələlərdən biri bu layihənin gələcəyi barədə olub. Azərbaycan tərəfi qloballaşma və daim artan tələbləri nəzərə alaraq gələcəkdə onun səmərəliliyinin artırılması üçün lazımlı səylərin göstərilməsini ifadə edib.
Kabel magistralının Azərbaycan seqmentinin tikintisi tamamilə başa çatıb.
TAA layihəsinin reallaşdırılması 1999-cu il oktyabrın 21-də Azərbaycan, Gürcüstan və Türkiyə arasında imzalanmış üçtərəfli protokolla razılaşdırılıb.