Azərbaycan, Bakı, 8 yanvar /Trend, müxbir H.Vəliyev/
Azərbaycanın "Trans-Asiya-Avropa" (TAE) layihəsində sədrliyini rəsmən təsdiqləyən protokol imzalanıb. Bu barədə çərşənbə axşamı Trend-ə Rabitə və İnformasiya Texnologiyaları Nazirliyindən bildiriblər.
Nazirlikdən deyiblər ki, layihənin iştirakçıları yekdilliklə Azərbaycanın layihədə sədrliyinə dəstəklərini ifadə ediblər. Azərbaycanın layihədə sədrliyi 2013-2015-ci illəri əhatə edəcək. Sədrlik Azərbaycana Ukraynadan keçib.
Azərbaycan tərəfi bəyan edib ki, sədrliyi dövründə qloballaşmanın daim artan tələbləri nəzərə alınmaqla TAE-nin səmərəliliyinin gələcəkdə artırılması üçün bütün zəruri səyləri göstərəcək.
