Azərbaycan, Bakı, 15 fevral /Trend, müxbir H.Vəliyev/
Bu ilin yanvar ayında Azərbaycan təşkilatları və əhalisinə ümumi həcmi 116,3 milyon manat dəyərində olan informasiya və rabitə xidmətləri göstərilib ki, bu da 2012-ci ilin analoji dövr göstəricisindən 13,6 faiz çoxdur. Bu barədə cümə günü Trend-ə Dövlət Statistika Komitəsindən bildirilib.
İnformasiya və rabitə xidmətləri sahəsində göstərilən xidmətlərin ümumi həcminin 72,1 faizi əhaliyə göstərilən xidmətlərin payına düşüb.
Bununla belə, əldə edilən gəlirlərin ümumi həcmindən 59,1 faizi mobil rabitə xidmətlərinin payına düşüb ki, bu da 2012-ci ilin müvafiq dövr göstərcisindən 4,8 faiz azdır.
Ümumilikdə, 2012-ci ilin yanvar ayında mobil rabitə xidmətlərindən əldə edilən gəlirlərin həcmi 68,7 milyon manat təşkil edib.