Azərbaycan, Bakı, 31 mart /Trend, müxbir H.Vəliyev/
2014-cü ilin birinci rübündə .az milli domen zonasında qeydə alınan saytların sayı 7 faiz artaraq 22 113 ədəd təşkil edib. Trend-in məlumatına görə, bu barədə bazar ertəsi WHOIS saytı məlumat yayıb.
Qeydə alınan saytların ümumi sayından 20 667 ədədi domendə birinci səviyyəli qeydə alınan resursların payına düşür. İkinci səviyyəli daha populyar domen .com.az-dır. Orada 863 sayt qeydə alınıb.
Populyarlığına görə üçüncü yeri .edu.az tutur. Orada 181 internet saytı qeydə alınıb.
Daha sıx zona .com hesab edilir. Orada 113,6 milyondan artıq internet-resurs aktivdir. İkinci yerdə .net-dir. Onun domenində 15,2 milyondan çox aktiv ad var. Üçüncü yerdə .de-dir. Orada təqribən 13,7 milyon sayt var.
Qeyd edək ki, .az milli zonası rəsmi olaraq 1993-cü il avqustun 25-dən fəaliyyətə başlayıb. .az domenində qeydiyyatın dəyəri 20 manatdır. Domenin illik texniki dəstəyi də bir o qədər məbləğə başa gəlir.
