Azərbaycan, Bakı, 26 may /Trend, müxbir H.Vəliyev/
2014-cü ilin yanvar-aprel aylarında Naxçıvan Muxtar Respublikasında (NMR) informasiya və rabitə xidmətlərinin göstərilməsindən əldə olunan gəlirlərin ümumi həcmi 15,2 milyon manatı ötüb ki, bu da 2013-cü ilin analoji dövrünün göstəricisindən 2,1 faiz çoxdur.
Trend-in məlumatına görə, bu barədə bu ilin 4 ayının yekunları üzrə NMR-in sosial-iqtisadi inkişafı üzrə hesabatda deyilir.
Hesabatda göstərilir ki, göstərilən xidmətlərin ümumi həcmindən 84 faiz mobil rabitə xidmətlərinin payına düşür.
Bu dövr ərzində mobil rabitə xidmətlərindən əldə olunan gəlirlərin ümumi həcmi 12,8 milyon manatı ötüb ki, bu da ötən ilin eyni dövrünün göstəricisini bir faiz üstələyir.