Azərbaycan, Bakı, 1 iyul /Trend, müxbir Hüseyn Vəliyev/
2014-cü ilin iyun ayında Azərbaycanda verilən "ASAN-imza" mobil elektron imza sertifikatlarının ümumi sayı 7,1 faiz artıb. Bunu çərşənbə axşamı Trend-ə Vergilər Nazirliyindən deyiblər.
Nazirlikdən qeyd ediblər ki, iyunda "ASAN" Sertifikasiya Xidmətləri Mərkəzi 1793 sertifikat verib.
Mərkəz ümumilikdə 27 027 "ASAN-imza" mobil elektron imza verib. Bununla belə, 14 032 imza hüquqi şəxslərə, 12 921 imza fiziki şəxslərə, 74-ü isə dövlət qulluqçularına verilib.
Nazirlikdən bildiriblər ki, Əmək Məcəlləsinə edilən dəyişiklərlə əlaqədar işəgötürənlər əmək müqavilələri haqqında bildirişləri elektron informasiya sisteminə daxil etməyə məcburdurlar: "Bu da elektron imzanın olmasını tələb edir. Bu, güman etməyə əsas verir ki, yaxın vaxtlarda Azərbaycanda mobil e-imza istifadəçilərinin sayı xeyli artacaq".