Azərbaycan, Bakı, 9 avqust /Trend, müxbir Hüseyn Vəliyev/
2014-cü ilin yanvar-iyul aylarında Azərbaycanda "Facebook" istifadəçilərinin sayı 23,43 faiz artıb. Trend-in "Global Stats" statistika mərkəzinə istinadən verdiyi məlumata görə, "Facebook" Azərbaycanda ən populyar sosial şəbəkədir. Avqustun əvvəlinə onun sosial media bazarında payı 80,31 faizdir.
"YouTube" sosial şəbəkəsi 12,89 faiz payıa ikinci yerdədir. İyulda YouTube-un Azərbaycanda bazar payı 68,18 faiz kəskin azalıb. Halbuki iyunda onun payında xeyli artım qeydə alınmışdı. İyulun əvvəlinə YouTube-un payı 40 faizi ötüb.
"Twitter" üçüncü populyar sosial şəbəkədir. Onun bazardakı payı 2,64 faizdir. 2014-cü ilin yanvar-iyul aylarının nəticələri üzrə "Twitter" istifadəçilərinin sayə 77,27 faiz azalıb.
Sonrakı yerləri "Odnoklassniki" 1,39 faiz, "Tumbir" 1,04 faiz, "Pinterest" 0,77 faiz və "Vkontakte" 0,55 faiz və digərləri tuturlar.
