Azərbaycan, Bakı, 13 sentyabr /Trend, müxbir Hüseyn Vəliyev/
2014-cü ilin yanvar-avqust aylarının yekununa görə, Azərbaycanda portativ kompüterlər (noutbuklar, netbuklar) bazarının payı 46,6 faiz artıb. Trend-in məlumatına görə, bu barədə şənbə günü "Global Stats" statistika mərkəzi xəbər yayıb.
Məlumata görə, sentyabrın əvvəlinə Azərbaycanda portativ kompüterlər bazarının payı 37,38 faiz təşkil edir. Keçən ilin analoji dövrü ilə müqayisədə ölkədə kompüter bazarının bu seqmenti 173,8 faiz artıb.
8 ayın yekununa görə, Azərbaycanda personal kompüterlər bazarının payı 56,45 faiz təşkil edir. Ötən ilin analoji dövrü ilə müqayisədə ölkədə stölüstü personal kompüterlər bazarı 32,34 faiz azalıb.
Reytinqdə üçüncü yeri 6,17 faizlik payla planşet kompüterlər tutur. 2014-cü ilin yanvar-avqust aylarının yekunu üzrə bazarın bu seqmentinin artımı 53,48 faiz olub. 2013-cü ilin analoji göstəricisi ilə müqayisədə isə planşet qurğuların seqmenti 2 dəfədən çox artıb.