...

Azərbaycan və Rusiya rouminq tariflərinin azaldılması üzrə memorandum layihəsini razılaşdıracaqlar

Telekommunikasiya Materials 30 Sentyabr 2014 18:51 (UTC +04:00)

Trend-i buradan izləyin

Azərbaycan, Bakı, 30 sentyabr /Trend, müxbir Hüseyn Vəliyev/

Azərbaycan və Rusiya beynəlxalq rouminq xidmətləri üzrə tariflərin azaldılması haqqında memorandum layihəsini razılaşdıracaqlar. Bunu çərşənbə axşamı Trend-ə Azərbaycan hökumətindən deyiblər.

Memorandum layihəsinin razılaşdırılması bu yaxınlarda Bakıda keçirilmiş İqtisadi əməkdaşlıq üzrə Azərbaycan-Rusiya hökumətlərarası komissiyasının XIV iclasının yekunları üzrə imzalanmış protokolda nəzərdə tutulur.

Protokolda deyilir ki, memorandum layihəsinin razılaşdırılması Azərbaycan Rabitə və Yüksək Texnologiyalar Nazirliyinə, Rusiya Rabitə və Kütləvi Kommunikasiyalar Nazirliyinə və hər iki ölkənin mobil rabitə operatorlarına tapşırılıb. Mobil rabitə və rouminq tariflərinin tənzimlənməsi dövlətin səlahiyyətinə daxil deyil, buna görə də məsələ rabitə operatorları arasındakı razılaşma əsasında həll oluna bilər.

Rusiya daha əvvəl Azərbaycan tərəfinə rouminq xidmətləri tariflərinin azaldılması üzrə saziş layihəsini göndərmişdi. Sənəd iki ölkənin müvafiq nazirləri səviyyəsində imzalanacaq. Sazişin imzalanması Azərbaycan və Rusiya arasında xeyli sayda sərnişin axınının oması fonunda xüsusi əhəmiyyət kəsb edir.

Hökumətlərarası komissiyanın protokoluna əsasən, iki ölkənin müvafiq nazirliklərinə tezlik spektrinin tənzimlənməsi və istifadəsi, perspektivli mobil rabitə və rəqəmsal televiziya texnologiyalarının tətbiqi, hər iki ölkənin sərhədyanı rayonlarında radio və televiziya yayımı, mobil rabitə sistemlərinə qarşı maneələrin aradan qaldırılması üzrə əməkdaşlıq da tapşırılıb.

Eyni zamanda, Azərbaycanın Rabitə və Yüksək Texnologiyalar Nazirliyinə İT, poçt rabitəsi və elektrik rabitəsi sahəsində əməkdaşlıq haqqında nazirliklər arasında sazişin imzalanması imkanına dair məlumatı Rusiyanın Rabitə və Kütləvi Kommunikasiyalar Nazirliyinə təqdim etmək tapşırılıb.

Məqalədə:
Xəbər lenti

Xəbər lenti