...

Qaçqın və məcburi köçkünlərin sudan istifadəsinə görə limitlər artıq smart-kartlara yüklənir (FOTO)

Telekommunikasiya Materials 27 Noyabr 2014 19:40 (UTC +04:00)
“Azərsu” ASC-nin ödəmə xidmətləri sahəsində ixtisaslaşmış “Modenis” şirkəti ilə birgə həyata keçirdiyi inteqrasiya işləri nəticəsində "eManat" terminallarında nağd ödənişlərlə yanaşı, qaçqın və məcburi köçkünlərin içməli su və kanalizasiya xidmətlərindən istifadəsi ilə bağlı müəyyən olunmuş limitlərin smart-kartlara yüklənməsi də təmin edilib.
Qaçqın və məcburi köçkünlərin sudan istifadəsinə görə limitlər artıq smart-kartlara yüklənir (FOTO)

Azərbaycan, Bakı, 27 noyabr /Trend/

"Azərsu" ASC-nin ödəmə xidmətləri sahəsində ixtisaslaşmış "Modenis" şirkəti ilə birgə həyata keçirdiyi inteqrasiya işləri nəticəsində "eManat" terminallarında nağd ödənişlərlə yanaşı, qaçqın və məcburi köçkünlərin içməli su və kanalizasiya xidmətlərindən istifadəsi ilə bağlı müəyyən olunmuş limitlərin smart-kartlara yüklənməsi də təmin edilib.

ASC-nin mətbuat xidmətindən Trend-ə verilən məlumata görə, limitlərin "eManat" terminallarından yüklənməsi aktivləşənə qədər qaçqın və məcburi köçkün abunəçiləri smart-kartlara balans yükləmək üçün sukanal idarələrinə müraciət edirdi.

Ödənişlərin aparılması və smart kartlara balansın yüklənməsi üçün eManat ödəniş terminallarının ekranında "Azərsu" bölməsi, ardınca "smart-karta ödəniş", daha sonra "əhali" panelləri seçilir. Bundan sonra smart-kartlar terminala daxil edilir və ödəmə əməliyyatlarına başlanılır. Limitli abonentlərdə ödəmə gününə qədər qüvvədə olan limit miqdarı qədər balans karta yüklənir. Terminallarda aparılan əməliyyatlar real zaman rejimində həyata keçirilir və smart-kartlara balans yüklənilir.

Hazırda ölkə ərazisində 1300-dən çox "eManat" köşkü fəaliyyət göstərir ki, bunların da 201-i regionlarda quraşdırılıb. "eManat" köşklərində əməliyyat aparılarkən texniki problemlər yarandıqda abunəçilər (012) 404 48 88 nömrəsinə zəng etməklə "Modenis" şirkəti ilə əlaqə saxlaya bilərlər.

Smart sayğacla təmin olunmuş məcburi köçkünlərin "MilliÖn" köşklərində də limitlərinin yüklənməsi üçün işlər davam etdirilir.

Qeyd edək ki, məcburi köçkünlərin içməli su və kanalizasiya xidmətlərindən istifadəsinə görə hər nəfər üçün aylıq limit 5 kubmetr müəyyən edilib. Məcburi köçkünlər limitdə nəzərdə tutulandan artıq su istifadə etdikdə onun dəyərini ödəməlidirlər.

Məqalədə:
Xəbər lenti

Xəbər lenti