Bakı. Trend:
"Starlink" qlobal peyk sistemi Azərbaycanda internetə çıxışı təmin edəcək.
Trend bu barədə "SpaceX" şirkətinə istinadən məlumat verir.
İnteraktiv xəritədə yerləşdirilən məlumata əsasən, Azərbaycanda "Starlink" internetinə çıxış imkanı 2023-cü ildə əlçatan olacaq.
Qeyd edək ki, "Starlink" "SpaceX" şirkətinin idarə etdiyi peyk internet sistemidir. Hazırda "Starlink" 32 ölkədə yüksəksürətli internetə çıxışı təmin edir. Hazırda Yerin orbitində 2 200-dən çox "Starlink" peyki fəaliyyət göstərir.
(Tərcümə: Orxan Nəbiyev)