Bakı. Trend:
"Azərnet" Məhdud Məsuliyyətli Cəmiyyəti (MMC) təşkilati-hüquqi formasını dəyişir.
Trend-in əldə etdiyi məlumata görə, bu barədə şirkət özü elan edib.
Belə ki, sözügedən şirkət "Ultel" MMC-yə qoşulması nəticəsində ləğv edilir.
Buna görə də "Ultel" MMC yenidən təşkil ediləcək.
Qeyd edək ki, "Azərnet" MMC 2010-cu ildə dövlət qeydiyyatına alınıb. Nizamnamə kapitalı 100 min ABŞ dolları olan şirkətin qanuni təmsilçisi İsmayılov Nicat Əfqan oğludur.
"Ultel" MMC isə 2007-ci ildə dövlət qeydiyyatına alınıb. Nizamnamə kapitalı 2 035 530 ABŞ dolları olan MMC-nin qanuni təmsilçisi Nəhmədov İlqar Şamil oğludur.