"Azərbaycanın İnternet Forumu" QHT Rabitə Nazirliyinin Tarif Şurasına (TŞ) təqdim etdiyi yerli və beynəlxalq telefon danışıq haqlarının dəyişdirilməsini əhalinin ödəmə qabiliyyətinə uyğun gəlməməsini diqqətə çatdıraraq məqsədəuyğun hesab etmir. Trend bildirir ki, bu barədə QHT-nin yanvarın 13-də yaydığı məlumatında deyilir.
Məlumatda deyilir ki, bununla bağlı olaraq QHT TŞ-yə müvafiq müraciət ünvanlayıb. Müraciətdə xüsusilə deyilir ki, tariflərin dəyişdirilməsi ölkənin ümumi iqtisadi vəziyyəti və Azərbaycanda telekommunikasiya sektorundakı vəziyyətlə bağlı məqsədəuyğun deyil. QHT hesab edir ki, müzakirələrdə belə bir qərarın çıxarılmasında müstəqil ekspertlər və ictimai qurumlar iştirak etməli idi.
TŞ-yə təkcə tarif strukturlarının dəyişdirilməsi deyil, həm də büdcə qurumlarının beynəlxalq danışıq haqlarının digər qruplardan fərqləndirilməsi ilə bağlı təkliflər də irəli sürülüb.
Rabitə və informasiya texnologiyaları nazirliyində QHT-nin məlumatı şərh edilərkən Trend ə bildirilib ki, telefon haqlarının dəyişdirilməsi ölkədə geniş miqyasda bu xidmətdən istifadə nəzərə alınmaqla və tariflərin dünya standartlarına müvafiq qəbul edilməsi məqsədilə vacibdir.
Trend-in ən mühüm və maraqlı xəbərlərini "Telegram"da izləyin
.jpg)
