Smart Systems Technology "Ünvanlı sosial yardım" proqram təminatının yaradılmasına dair Dünya Bankının qərarını gözləyir. Bu barədə Trend ə şirkətin marketinq şöbəsinin rəhbəri Sübhan Qaragöz bildirib.
Bu istiqamətdə sorğu Əmək və Əhalinin Sosial Müdafiəsi Nazirliyi tərəfindən "Pensiya və sosial təminat" layihəsi çərçivəsində elan olunub.
Onun sözlərinə görə, şirkət artıq DB-yə öz texniki və maliyyə təkliflərini təqdim edib, çünki vəsait bank tərəfindən ayrılır.
Bundan əvvəl Smart Systems Technology-nin Əmək Nazirliyinin korporativ şəbəkəsinin yaradılması qiymətləri DB tərəfindən ən məqbul hesab edilmişdi.
Bu təkliflər artıq DB tərəfindən bəyənilib. Qısa müddət ərzində nazirliklə Smart arasında bu istiqamətdə müqavilə imzalanacaq.
Bu işlər"Pensiya və sosial təminat" layihəsi çərçivəsində həyata keçiriləcək. Bu məqsədə Beynəlxalq İnkişaf Assosiasiyası $5 mln. həcmində vəsait ayırıb.
