Azərbaycanın Rabitə və İnformasiya Texnologiyaları Nazirliyi Moldova ilə informasiya cəmiyyətinin inkişaf etdirilməsinə dair danışıqlara başlayıb. Trend in nazirliyə istinadən xəbər verdiyi kimi, artıq tərəflər hər iki ölkə mütəxəssislərinin iştirakı ilə tədbirlər planının işlənib hazırlanmasına dair qərar qəbul edib.
Nazirlikdə hesab edilir ki, tədbirlər planı üzərində işlər 2006-cı ilin sonlarınadək başa çatacaq.
Moldova və Azərbaycanın bu istiqamətdə əməkdaşlığı İlham Əliyevin bu ölkəyə rəsmi səfəri çərçivəsində 2005-ci ilin aprelində hər iki ölkə hökuməti arasında Kişinyovda imzalanmış informatizasiya və informasiya texnologiyaları sahəsində sazişə müvafiq olaraq həyata keçirilir.
