...

Rabitə Nazirliyi 133 mindən artıq nömrə istifadəyə verib

Telekommunikasiya Materials 8 Sentyabr 2006 15:20 (UTC +04:00)

Trend-i buradan izləyin

2006-cı ilin yanvar-avqust aylarında Azərbaycan Rabitə və İnformasiya Texnologiyaları Nazirliyi (ARİTN) tərəfindən 133 158 nömrə istifadəyə verilib. Nazirlikdən Trend ə verilən məlumata görə, 88764 nömrə Bakı Telefon Rabitəsi İstehsalat Birliyinin (İB), qalanı isə Aztelekom İB-nin payına düşür.

Bu dövr ərzində sərmayələrin həcmi 19 mln. AZN təşkil edib ki, bu da rabitə obyektlərinin yenidən qurulmasına, Bakı ətrafı ərizələrdə və bölgələrdə yeni telefon xətlərinin çəkilməsinə sərf olunub.

2005-ci ildə ARİTN tərəfindən respublika üzrə 164 185 telefon nömrəsi istifadəyə verilib ki, bu da 2004-cü ildəkindən 42 611 nömrə çoxdur.

Aztelekom İB Bakı və Naxçıvan Muxtar Respublikası da daxil olmaqla, respublikanın bütün ərazisini beynəlxalq və şəhərlərarası telefon rabitəsi ilə təmin edir. Yeganə beynəlxalq rabitə operatoru olaraq o, təbii inhisarçıdır. 54 telekommunikasiya müəssisəsi, Bakı Şəhərlərarası Telefon Qovşağı, Magistral Kabel Texniki Qovşağı və Təmir-Tikinti İdarəsi onun tabeliyindədir.

Bakı Telefon Rabitəsi İB isə Bakı şəhəri ərazisində dövlət müəssisələrinə və idarəçilik orqanlarına, idarələrə, müəssisə və təşkilatlara, eləcə də xarici hüquqi şəxslərə bütün növ telefon rabitəsi və radio rabitəsi xidmətləri göstərir. İB 9 telekommunikasiya müəsssisəsini, Rabitə Tikinti və Təmir İdarəsini və "Azərrabitəlayihə" Layihə-Araşdırma Kontorunu özündə birləşdirir.

Xəbər lenti

Xəbər lenti