Beynəlxalq Elmi Parklar Assosiasiyasının (International Association of Science Parks - IASP) baş direktoru Luis Sans (Luis Sanz) Azərbaycan hökumətinin rabitə və informasiya texnologiyaları sahəsinin inkişafı üzrə prioritetlərindən məmnunluq ifadə edib. L.Sansın Trend ə bildirdiyi kimi, dünya birliyinin necə inkişaf etməsini dərk etmə faktı bundan ibarətdir.
"Hökumətin İKT-nin inkişafı üzrə öhdəlikləri öz üzərinə götürməsini və infrastrukturun yaradılmasının o qədər də baha başa gələn iş olmadığını nəzərə alaraq, proqnozlaşdırmaq olar ki, Azərbaycan bu istiqamətdə çox sürətlə inkişaf edəcək", - deyə L.Sans vurğulayab.
"Ancaq infrastrukturdan başqa, təhsilə də qüvvə və vəsait sərf etmək, personalı bu texnologiyalardan istifadəyə öyrətmək lazımdır", - deyə o qeyd edib.
"Əhaliyə İnternetdən istifadənin üstünlüklərini başa salmaq lazımdır. Bu texnologiyalar təkcə iş adamları üçün deyil, həm də əhalinin bütün kateqoriyası üçün nəzərdə tutulub. Təhsil bu texnologiyaların geniş inkişaf etdiyi və inkişaf mərhələsində olan ölkələr arasında mövcud boşluqları doldurmağa imkan verəcək", - deyə o bildirib.
Beynəlxalq Elmi Parklar Assosiasiyası tərəfindən yardımın göstərilməsi məsələsinə gəlincə, L.Sans vurğulayıb ki, Assosiasiyanın əsas vəzifəsi lazımi ölçülərdə layihənin dürüst ifadə edilməsinə yardım etmək, digər ölkələrdə analoji layihələrlə əlaqə yaratmaq və daha uğurlu texnoparkların nümunəsində təcrübə mübadiləsi aparmaqdan ibarətdir.
