Azərbaycan Asiya poçt markalarının 19-cu beynəlxalq sərgisində -Asian International Stamp Exhibition 2006-da iştirak edir. Tədbirdə dövlət şirkəti olan Azərmarkanın nümayəndə heyəti iştirak edir. Şirkətdən Trend -ə verilən məlumata görə, noyabrın 13-dən 16-na kimi Dubayda keçiriləcək sərgidə şirkətin prezidenti İntiqam Bağırlı və redaksiya və flateliya şöbəsinin rəhbəri Əjdər Məmmədov iştirak edir. Azərbaycanda 1992-ci ildən bu günə kimi müxtəlif mövzularda çap etdirilən markalar sərgidə nümayiş etdiriləcək.
Sərginin keçirilməsinin əsas məqsədi dünyanın müxtəlif ölkələrinin flatelist və numizmatları arasında əməkdaşlığı təmin etməkdir. Sərgi Flatestlərin Asiya Birliyinin (FLAP) hamiliyi ilə keçirilir ki, burada birliyin 20-dən çox üzvü iştirak edir. Sərgidə xarici poçt idarələrinin, marka və qəpik satışı ilə məşğul olan şirkətlərinin də məhsulları nümayiş etdirilir. Sərgiyə baş çəkənlər həmçinin nümayiş etdirilən məhsulların eksklüziv nüsxələrini əldə edə bilər.
