Azərbaycan, Bakı/ Trend müxbir S.Babayeva/ Azərbaycan Dövlət Statistika Komitəsinin məlumatlarına əsasən, 2007-ci ilin əvvəlinə Internet istifadəçilərinin sayı 829,1 min təşkil edib.
Bazar ertəsi komitədən verilən məlumata əsasən, hesabat dövründə hər 100 nəfərə 10 internet istifadəçisi düşüb. 2005-ci ildə isə bu göstərici 100 nəfərə 8 ədəd təşkil edib. Hər 100 nəfərə düşən kompüterin sayı 3,1 ədəd təşkil edib. Ölkədə kompüterlərin ümumi sayı 261,4 min ədəd təşkil edib ki, bunların da 176,9 mini fiziki şəxslərin, qalanarı isə şirkət və təşkilatların payına düşüb. 2006-cı ildə telefon aparatlarının sayı hər 100 nəfərə 14 ədəd, mobil abonentlər isə 100 nəfərə 39 ədəd təşkil edib.