Azərbaycan, Bakı / Trend müxbir S.Babayeva/ Cümə günü Azərbaycan Rabitə və İqformasitya Texnologiyaları Nazirliyinin "Azərpoçt" dövlət müəssisəsinin 82 əməkdaşı "Maliyyə xidmətlərinin inkişafı" layihəsi çərçivəsində aparatın restrukturizasiyası ilə əlaqədar olaraq test imtahanları verirlər. "Azərpoçt" ilin sonuna qədər maliyyə-bank xidmətləri göstərəcək. Cümə günü dövlət müəssisəsindən verilən məlumata görə, gün ərzində əməkdaşlar həri birinə 19-20 nəfərin daxil olduğu dörd qrup üzrə imtahan verəcəklər.
Suallar üç hissəyə bölünüb, onlardan 30-u ümumi, 30-u kompüter bacarıqları üzrə, 40-ı isə ixtisas suallarıdır.
Əməkdaşların seçimi məqsədilə 11 nəfərdən ibarət komissiya yaradılıb. Komissiyanın vəzifəsinə dövlət müəssisəsinin yeni strukturu üçün işçilərin seçisim prosesində şəffaflığın təmin edilməsi daxildir.
Nazirlikdə istisna etmirlər ki, əməkdaşların 20-30%-i seçim prosesindən keçməyəcək, bu halda nazirlik filiallarda çalışan daha istedadlı və bacarıqlı əməkdaşlara müraciət edəcək.
"Azərpoçt" aparatının yeni əməkdaşlarının seçimi prosesi avqustun 12-də başa çatacaq. Hazırda müəssisənin işçilərinin sayı 113 nəfər təşkil edir, yeni struktura görə isə bu rəqəm 105 olacaq.
Yeni struktura əsasən müəssisə 20 şöbədən ibarət olacaq. Şöbələrin böyük əksəriyyəti əvvələr göstərilən xidmətlərin payına düşür və yalnız 30% yeni olan maliyyə-bank xidmətləri ilə əlaqədardır.
Şöbələrə hər iki istiqamətdə (poçt və maliyyə) marketinq şöbəsi, daxili audit, xəzinə, informasiya texnologiyaları şöbəsi daxildir.
Yeni struktura uyğun olaraq "Azərpoçt"un rəhbərliyi baş direktordan və üç müavindən ibarət olacaq. Müavinlərin hər biri müəyyən bir sahə üzrə cavabdeh olacaq, bu sahələrə maliyyə, bank xidmətləri və üçüncü sahəyə isə mühasibat hesabı, xəzinədarlıq, maliyyə marketinqini daxildir.
