Azərbaycan, Bakı, 23 sentyabr /Trend, müxbir A.Axundov/
Azərbaycan Maliyyə Nazirliyi xarici vətəndaşlara səfirlik, konsulluq və Azərbaycanın digər diplomatik nümayəndəlikləri tərəfindən verilən viza və qayıdış şəhadətnamələri üçün blanklar hazırlanması üzrə tender elan edib. Trend-in məlumatına görə, bu barədə tender komissiyasının cümə günü rəsmi mətbuatda nəşr olunmuş bəyanatında deyilir.
Tender iki lot üzrə keçirilir. Birinci lot təxminən 500 min blankın viza üçün, ikinci lot isə 40 min blankın qayıdış şəhadətnamələri üçün hazırlanmasını nəzərdə tutur. Blanklar yüksək poliqrafiya keyfiyyətində təyin olunmuş müddətdə hazırlanmalıdır.
Birinci lot üzrə tenderdə iştirakın qiyməti 1000 manat, ikincisi üzrə isə 500 manatdır.
Təkliflər 2011-ci il noyabrın 10-u saat 11:00-dək qəbul olunur.
Sentyabrın 23-nə olan rəsmi məzənnə 0,7868 AZN/USD təşkil edir.
