Bakı. Trend:
Cənubi Koreyada Seulun kənarında yerləşən quşçuluq fermasında yüksək patogenli quş qripinə yeni yoluxma halı təsdiqlənib.
Trend xəbər verir ki, bu barədə "Yonhap" agentliyi məlumat yayıb.
Rəsmilər martın 7-də bildiriblər ki, bu mövsüm qeydə alınan xəstəliyin ümumi sayı 53-ə çatıb. Yoluxma Poçhon şəhərindəki fermada qeydə alınıb, bu şəhər paytaxtdan 40 kilometr şimalda, Kenqido əyalətində yerləşir.
Hakimiyyət orqanları fermaya girişi məhdudlaşdırıb, yoluxmuş quşları məhv etməyə başlayıb və epidemiyanın səbəbini araşdırmaq üçün tədqiqat aparır. Yaxınlıqdakı müəssisələrdə isə 24 saatlıq iş dayandırılıb.