...

Banqkokda polis nümayiş iştirakçılarını dağıdıb

Dünya xəbərləri Materials 7 Oktyabr 2008 08:48 (UTC +04:00)

Banqkonkda polis Taylandın parlament binasını mühasirəyə alan nümayiş iştirakçılarını dağıdıb. Qarşıdurma zamanı dəyənəklərdən və göz yaşardıcı qazdan istifadə olunub. Nəticədə 72 nəfər mülki vətəndaş müxtəlif zədələr alıb, Vesti xəbər verir.

Bir qədər əvvəl parlament binası qarşısında beş min nəfərə qədər insan toplaşmışdır. Nümayişçilər Taylandın yeni baş nazirinin Somaçay Vonqsavatanın deputatlar qarşısında çıxış etməsinə etiraz edirdilər. Baxmayaraq ki, yeni baş nazir səlahiyyətlərinin icrasına hələ təzə başlayıb müxalifət ondan narazıdır. Vonqsavatanı 2006-cı ildə devrilən eks-baş nazir Taksina Çinavatanın tərəfdarı hesab edirlər. Vonqsavata həmçinin onun bacısı ilə ailə qurub.

Keçmiş baş nazir Samak Suntavaret bu ilin sentyabr ayında istefaya getmişdir. Baş nazir ola ola Suntavaret kulinariya televiziya proqramlarında iştirak edirdi, bu isə qanunla qadağan olunur. Onun istefasına müxalifət nail olmuşdur. Avqust ayında kütləvi etiraz aksiyaları hökümətin fəaliyyətini paralizə etmişdir. Nümayişçilər Banqkonkda bir neçə hökümət binasını ələ keçirmişlər.

Xəbər lenti

Xəbər lenti