Parisdə Monmartr təpəsinin yaxınlığında yerləşən konsert zalı yanır. İlkin məlumatlara əsasən, xəsarət alan yoxdur. Trend-in məlumatına görə, bu barədə RİA Novosti Fransanın "iTele" telekanalına istinadən xəbər verib.
TV-nin məlumatına görə, yanğın baş verən zaman "Elysee Montmartre" konsert zalının binasında heç kim olmayıb. Hadisə yerində 70-dən çox yanğınsöndürən işləyir.
"France Info" radiostansiyanının məlumatına görə, qonşu binalarda olan insanlar təxliyyə edilib. Metronun "Anvers" stansiyası bağlanıb.
Yanğının başvermə səsbəbləri araşdırılır.