Gürcüstan, Tbilisi, 26 fevral / Trend, müxbir N.Kirtsxalia /
Gürcüstanın müdafiə naziri İrakli Alasaniya fevralın 26-27-də NATO-nun Brüsseldə keçiriləcək nazirlər görüşündə iştirak edəcək. Trend-in verdiyi məlumata görə, nazirlər komitəsinin iclasını alyansın baş katibi Anders foq Rasmussen açacaq.
Nazirlər görüşünün əsas mövzuları - kibertəhlükəsizlik, müdafiə imkanlarının gücləndirilməsi və Əfqanıstandakı missiya.
Ministerialdan sonra ikinci gündə NATO və onun alyansa daxil olmayan ölkələrin, lakin Əfqanıstandakı missiyada iştirak edən tərəfdaşlarının müdafiə nazirlərinin görüşü keçiriləcək.
NATO-nun nazirlər iclası çərçivəsində Gürcüstanın müdafiə naziri Azərbaycan, Norveç və Əfqanıstandan olan həmkarları ilə ikitərəfli görüşlər keçirəcək.