Azərbaycan, Bakı, 2 iyul /Trend/
Nikolya Sarkoziyə "təsir alveri" maddəsi üzrə rəsmi ittiham irəli sürülüb. Trend İTAR-TASS agentliyinə istinadən bu barədə Frans Press agentliyi xəbər verir.
Fransanın eks-prezidentindən şübhələnirlər ki, o, qalmaqallı məhkəmə " Betankur işi" üzrə qapalı informasiya almaq üçün öz əlaqələrindən istifadə edib.
Analoji ittiham Sarkozinin şəxsi vəkili - Tyerri Erzoqa qarşı da irəli sürülüb.
Müstəntiqlərin fikrincə, məhz o, Kassasiya məhkəməsində baş prokurorun köməkçisi ilə əsas əlaqələndirici vasitə olub, hansıki Monakoda yüksək postu vəd müqabilində Erzoqa "Betankur işi"nin istintaqının gedişi barədə bağlı məlumat verib.