Azərbaycan, Bakı, 23 yanvar /Trend/
Yanvarın 26-da Yerevanda Gümrüdəki yeddi nəfərin qətlində ittiham olunan Rusiya hərbi bazasının əsgəri Valeri Permyakovun erməni tərəfə verilməsi tələbi ilə yürüş keçiriləcək. Bu barədə Trend Ermənistan mətbuatına istinadən xəbər verir.
Yürüşün təşkilatçılarının bəyanatında deyilir: "Biz Ermənistan hökumətindən və Rusiya tərəfindən Gümrüdəki Avetisyanlar ailəsinin 7 üzvünün qətlə yetirilməsində günahlandırılanın erməni hüquq müdafiəçilərinə təhvil verilməsini tələb edirik. Tələblər Rusiyanın Ermənistandakı bazasına dair müqavilədən irəli gəlir. Bu, Ermənistan Respublikası naminə istintaqın və ədalət məhkəməsinin qərəzsizliyinin zəmanəti ola bilər. Bizim tələblərimiz ədalətlidir".