Təfərrüatlar əlavə olunub (ilk xəbər saat 15:38-də yayılıb)
Bakı. Rufiz Hafizoğlu - Trend:
CHP lideri Kamal Kılıçdaroğlunun kortejinə silahlı hücumu PKK terror təşkilatının silahlıları törədə bilər.
Trend-in "TRT Haber" telekanalına istinadən verdiyi məlumata görə, bunu Türkiyənin daxili işlər naziri Əfqan Ala deyib.
Onun sözlərinə görə, bu, Türkiyənin demokratik quruluşuna hücum deməkdir.
X X X
16:15
Müxalif CHP lideri Kamal Kılıçdaroğlunun kortejinə silahlı hücum nəticəsində xəsarət alanlar olub.
Trend "TRT Haber" telekanalına istinadən məlumat verir ki, korteji müşayiət edən 1 hərbçi ölüb, 3-ü yaralanıb.
Faktı daxili işlər naziri Əfqan Ala təsdiqləyib.
X X X
15:38
Türkiyənin Artvin vilayətində CHP lideri Kamal Kılıçdaroğluna silahlı hücum olub.
Trend-in "TRT Haber" telekanalına istinadən verdiyi məlumata görə, hücum nəticəsində xəsarət alan olmayıb.
Hücum edənlərin axtarışı aparılır.