İlk xəbər saat 11:25-də yayımlanıb
Səhər saatlarında Barselonada baş vermiş dəmiryolu qəzasında xəsarət alanların sayı 54 nəfərə çatıb. Trend-in məlumatına görə, bu barədə şəhərin meri Ada Kolay bildirib.
Bakı. Trend:
Barselonada səhər saatlarında dəmiryolu qəzası baş verib. Trend-in məlumatına görə, yerli xilasetmə xidməri qəza nəticəsində azı 48 nəfərin xəsarət aldığı barədə xəbər verib.
Xəsarət alanlardan 20 nəfər xəstəxanaya yerləşdirilib. 5 nəfərin vəziyyəti ağır qiymətləndirilir.
İlkin məlumata görə, qatar stansiyaya yaxınlaşarkən maşinist qatarı saxlaya bilməyib və qatar platformaya çırpılıb.