Bakı. Rufiz Hafizoğlu - Trend:
Türkiyədə fövqəladə vəziyyət daha üç ay müddətinə uzadılacaq.
Trend-in məlumatına görə, bunu Türkiyə Baş nazirinin müavini Bəkir Bozdağ deyib.
B.Bozdağ qeyd edib ki, bu qərar Türkiyə hökuməti tərəfindən qəbul olunub.
Baş nazir bildirib ki, bu yaxınlarda fövqəladə vəziyyət rejiminin uzadılması barədə qərar rəsmən qüvvəyə minəcək.
Qeyd edək ki, Türkiyədə 2016-cı ilin iyulunda dövlət çevrilişinə cəhddən sonra tətbiq edilən fövqəladə vəziyyətin gələn ay ləğv ediləcəyi bildirilirdi.