Bakı. Rufiz Hafizoğlu - Trend:
Türkiyədə müxalif Cümhuriyyət Xalq Partiyası (CHP) fövqəladə vəziyyətin müddətinin uzadılmasına etiraz olaraq ölkənin bütün vilayətlərində eyni zamanda etiraz aksiyası keçirəcək.
Trend-in məlumatına görə, aksiyalar aprelin 16-da, yerli vaxtla saat 12:00-da başlayacaq.
Qeyd edək ki, bir müddət əvvəl baş nazirin müavini Bekir Bozdağ fövqəladə vəziyyət rejiminin müddətinin uzadılacağını bildirmişdi.
Bu dəfə də fövqəladə vəziyyətin müddətinin uzadılacağı təqdirdə bu, sayca yeddinci olacaq.