Bakı. Elnur Bağışov - Trend:
İranın müxtəlif vilayətlərində baş verən sel və daşqınlar nəticəsində həlak olanların sayı 26 nəfərə çatıb.
Trend-in məlumatına görə, İranın Tibbi Ekspertiza Təşkilatının fövqəladə hallar üzrə direktor əvəzi Mehrdad Əli Bəxşi bildirib ki, Fars vilayətinin Şiraz şəhərində 18 nəfər, Xuzistan vilayətində 1 nəfər, Kohgiluyə və Buyir-Əhməd vilayətində 1 nəfər, Gülüstan vilayətində 3 nəfər, Lorestan vilayətində 2 nəfər və Simnan vilayətində 1 nəfər həlak olub.
Ə.Bəxşi əlavə edib ki, güclü yağıntıların ilk günlərində Mazandaran, Gülüstan və Şimali Xorasan vilayətlərində də 9 nəfər dünyasını dəyişib.
Xatırladaq ki, 10 gün ərzində İranda davam edən güclü yağıntılar daşqınlara səbəb olub. Bəzi şəhər və kəndlər su altında qalıb. Gülüstan vilayətinin Gümüşan və Siminşəhr şəhərləri boşaldılıb.