Bakı. Trend:
Əfqanıstanın təhlükəsizlik qüvvələri ölkənin şimal-qərbindəki Fəryab əyalətinə aviazərbələr endiriblər.
Trend-in bazar günü TASS-a istinadən verdiyi məlumata görə, aviazərbələr nəticəsində “Taliban” radikal hərəkatının ən azı 53 üzvü məhv edilib.
Məlumata əsasən, “Taliban” üzvləri şənbə günü Əfqanıstanın təhlükəsizlik qüvvələrinin nəzarət məntəqələrinə hücumlar həyata keçiriblər.
Təhlükəsizlik qüvvələri və dinc sakinlər arasında itkilər barədə məlumat verilmir.