Bakı. Trend:
ABŞ-ın Feyrfild şəhərində (Kaliforniya ştatı) göyərtəsində 3 nəfərin olduğu mülki helikopter qəzaya uğrayıb.
Trend-in "TASS"a istinadən verdiyi məlumata görə, helikopter elektrik xəttinə dəyib və avtomobil yolunun yaxınlığında düşüb və alışıb. Yanğın yanğınsöndürənlər tərəfindən söndürülüb. Qəza nəticəsində 3 nəfər həlak olub.
Bildirilir ki, hadisə yerinə gələn yanğınsöndürən maşınlardan biri aşıb və nəticədə 3 nəfər xəsarət alıb.
Məlumata əsasən, helikopterdə yerli qaz şirkətinin əməkdaşları olub. İnsident nəticəsində 38 min ev təsərrüfatı və digər tikililər işıqsız qalıb.
X X X
05:47
ABŞ-ın Feyrfild şəhərində (Kaliforniya ştatı) helikopter qəzaya uğrayıb.
Trend-in "TASS"a istinadən verdiyi məlumata görə, "Bell 206" mülki helikopteri avtomobil yolunun yaxınlığında qəzaya uğrayıb və alışıb.
Bildirilir ki, helikopterdə 3 nəfər olub. Qəza nəticəsində ölənlər və yaralananlar barədə hələki məlumat yoxdur.
Hadisə yerində xilasedicilər işləyir, qəzanın səbəbi məlum deyil.