Bakı. Trend:
ABŞ və Polşa arasında hərbi əməkdaşlıq barədə saziş imzalanıb.
Trend-in məlumatına görə, sazişə əsasən, ABŞ-ın Polşadakı hərbi qulluqçularının sayı daha min nəfər artırılacaq.
Bundan başqa, ABŞ Quru Qoşunlarının beşinci korpusunun komandanlığı Polşada yerləşəcək.
Sənədi ABŞ-ın Dövlət katibi Mayk Pompeo və Polşanın Milli müdafiə naziri Mariuş Blaşak imzalayıb.
Qeyd edək ki, hazırda Polşada 5 min ABŞ hərbçisi qulluq edir. Bir müddət əvvəl ABŞ Almaniyadakı hərbi kontingentini azaldacağını bildirmişdi.